"Onlar da əfv edilsin" - Siyavuş Novruzovdan TƏKLİF
“Ölkədə amnistiya aktının qəbul olunmasına ehtiyac var”.
Sfera.az xəbər verir ki, bunu Milli Məclisin bugünkü iclasında deputat Siyavuş Novruzov deyib.
“İsa Qəmbər gələn kimi 6 nəfəri güllələmişdi. Bütün iş bitmişdi, bir o 6 nəfərin güllələnməyi qalmışdı. Heydər Əliyev gələndə humanist addım ataraq amnistiya aktı qəbul etdi. Onlarla insan azadlığa çıxdı, ailəsinə qovuşdu”, - millət vəkili qeyd edib.
S.Novruzov təklif edib ki, parlament Respublika Gününə qədər amnistiya aktı hazırlayıb təqdim etsin:
“Düzdür, əfvlər var, amma amnistiya daha geniş əhatəyə şamil olunur. Xüsusən də, Qarabağ müharibələrində iştirak edib, Vətən uğrunda döyüşüb, lakin sonradan hansısa səhvlər edib hazırda həbsxanada olanlar var. Belə bir qərarın qəbul edilməsi vətəndaşları sevindirəcək”.
Firuzə Əliyeva
