Orban Aİ-ni HƏDƏLƏDİ: "Rusiyaya qarşı növbəti sanksiyalara mane olacağıq"
Macarıstanın Baş naziri Viktor Orban Rusiya qazı ilə bağlı Avropa İttifaqını hədələyib.
Sfera.az bildirir ki, o, bu barədə dövlət radiosuna açıqlamasında danışıb.
Orban bildirib ki, Aİ Ukrayna ərazisindən Rusiya qazı axınının yenidən başlamasına kömək etməlidir:
“Brüssel Rusiya qazının Ukrayna ərazisindən tranzitinin bərpasına kömək etməsə, biz Aİ-nin Rusiyaya qarşı növbəti sanksiyalarının tətbiqinə mane olacağıq”. Orban vurğulayıb ki, Ukraynanın Rusiya qaz tranzitini dayandırması və qiymət artımı “qəbuledilməzdir”.
“Buna görə də Macarıstan bu həftə Aİ-dən enerji təhlükəsizliyinə zəmanət istəyir. Bundan əlavə, Avropa Komissiyası ukraynalıların Rusiya qazının tranzitini bərpa etməsi məsələsini həll edəcəyinə söz verib. Əgər komissiya razılaşdığımızı etməsə, sanksiyalar dayandırılacaq”, - Baş nazir bildirib.
Xatırladaq ki, yanvarın 1-də Rusiya qazının Ukrayna üzərindən Avropaya daşınmasına dair müqavilənin müddəti başa çatdıqdan sonra Avropada yeni böhran yaranıb.
Günay
