Bu yolda hərəkət dəyişikliyi edildi - Qaydaları pozanlar 100 manat cərimə olunacaqlar
Bakıda daha bir yolda hərəkətin təşkilində dəyişiklik edilib.
Sfera.az-ın məlumatına görə, söhbət paytaxtın Nərimanov rayonu, Ağa Nemətulla və Çernyayevski küçələrinin kəsişməsindən gedir.
Bir vaxtlar həmin ərazidə kustar üsulla asfalta çəkilən dairə cizgisi sürücülər arasında çaşqınlıq yaradırdı.
Azərbaycan Yerüstü Nəqliyyat Agentliyinin əməkdaşları növbəli hərəkəti təşkil etməklə ərazidə təhlükəsizliyi artırmaq və nizamlılığı təmin etmək üçün yol kəsişməsində "sarı tor" təşkil edilib.
Azərbaycan Yerüstü Nəqliyyat Agentliyindən bildirilib ki, sürücülər arasında çaşqınlığa səbəb olan hallar həmin ərazidə aradan qaldırılıb. O da əlavə edilib ki, ərazidə işıqforların quraşdırılması digər qurumlarla razılaşdırılır.
Qeyd edək ki, həmin yerdə işıqfor qoyulduqdan sonra qaydalara əməl etməyən sürücülər, yəni yol ayrıcını keçmə qaydalarının pozduqları halda 3 cərimə balı və 100 manat məbləğdə cərimə ediləcəklər.
Xezerxeber.az mövzu ilə bağlı daha ətraflı videomaterialı təqdim edir.
