Tanınmış bloqer faciəli şəkildə öldü - FOTO

Ukraynalı məşhur blogger, internetdə "Annet" kimi tanınan Anna Juk bu gün Xarkov-Kiyev şossesində baş verən dəhşətli avtomobil qəzasında dünyasını dəyişib.

Sfera.az milli.az-a istinadən xəbər verir ki, ilkin məlumata görə, Anna həyat yoldaşının idarə etdiyi avtomobilin sərnişin oturacağında olub. Avtomobil yüksək sürətlə yük maşınına çırpılıb. Nəticədə Anna hadisə yerində keçinib, oğlu isə xəsarət alaraq xəstəxanaya yerləşdirilib. Onun həyat yoldaşının vəziyyəti barədə hələlik məlumat yoxdur.

Qeyd edək ki, Annanın 370 mindən çox izləyicisi var idi . O, qadınların dəstəklənməsinə yönəlmiş bir sıra sosial layihələrdə iştirak edirdi.

Hadisə ilə bağlı araşdırmalar davam edir.