Məhkum qadın həbsxanasına girmək üçün cinsini dəyişdi

Almaniyada məhkum olunmuş şəxs cinsiyyətini və adını dəyişdirib. Belə ki, nifrəti qızışdırdığına görə həbsxanada olan sağçı ekstremist cinsi ayrı-seçkilik qorxusundan qadın həbsxanasına köçürülməsini təmin etmək üçün bu addımı atıb. 

Sfera.az bildirir ki, hüquq-mühafizə orqanlarının sözlərinə görə, cinsin dəyişdirilməsi məhkumun avtomatik olaraq qadın həbsxanasına köçürülməsi demək deyil və onun cinayət keçmişinə təsir etməyəcək.

Jurnalistlər bildirirlər ki, 53 yaşlı Sven Liebig nifrət və böhtan atmaqda ittiham olunaraq bir il yarım müddətinə azadlıqdan məhrum edilib. İndi o, Saksoniyadakı kişi həbsxanasında 18 aylıq cəza çəkir. Cinsi diskriminasiya qorxusu səbəbindən cinsini və adını dəyişmək qərarına gələn Sven indi Marla-Svenja Liebig adı ilə keçir.

Qeyd edək ki, Liebig cinsini dəyişdirdikdən sonra xarici görünüşünü dəyişməyib. Əksinə, indi onun saqqalı uzanıb.

Neo-nasist Batkivşina partiyası və sağçı Almaniya üçün Alternativ partiyası ilə əlaqəli olan Liebig bu addımı qadın həbsxanasına köçürmək üçün açıq cəhdlə atıb. Bununla belə, rəsmilər qanunvericiliyə edilən dəyişikliyin köçürülməyə zəmanət vermədiyini deyirlər.

"Kişinin cinsini və adını dəyişdikdən sonra qadın həbsxanasına göndəriləcəyinə avtomatik təminat yoxdur. Hər bir işə fərdi şəkildə baxılacaq"- deyə yerli prokurorluğun sözçüsü bildirib.

Almaniya Federal Cinayət Reyestrinin nümayəndəsinin sözlərinə görə, Liebigin cinsiyyətinin dəyişməsi onun cinayət stajına təsir etməyəcək. O qeyd edib ki, gender haqqında qanunun dəyişdirilməsi ikinci dərəcəli əhəmiyyət kəsb edir.

Aysel