Çinin əhalisi azalmaqda davam edir - STATİSTİKA
Çinin əhalisinin sayı üçüncü ildir ki, azalır.
Sfera.az “Bloomberg”ə istinadən xəbər verir ki, Çin əhalisinin sayı 2024-cü ilin sonunda 1,39 milyon nəfər azalıb.
Çinin Milli Statistika Bürosunun (UIB) məlumatlarına görə, 2023-cü ildə 1 milyard 409 milyon 670 min olan əhali sayı (materik hissədəki əhali - red.) 2024-cü ildə 1 milyard 408 milyon 280 min nəfərə enib. Beləliklə, ölkə əhalisinin sayında 2022-ci ildən başlayan azalma tendensiyası 2023 və 2024-cü illərdə də davam edib.
Çinin əhalisi 1960-cı illərin əvvəllərindəki aclıq illərindən bəri ilk dəfə 2022-ci ildə azalıb. Əhali sayı azalsa da, yeni doğulanların sayında artım baş verib. Çində 2024-cü ildə 9,54 milyon körpə doğulub ki, bu da 2023-cü illə müqayisədə (9,02 milyon körpə) 5,7 faiz artım deməkdir.
Doğum artsa da, 2024-cü ildə 10,93 milyon insanın ölməsi əhali sayında azalmaya səbəb olub.
Vasif
Sfera.az
