Avropa rəsmiləri Trampı Ukraynanı dəstəkləməyə ÇAĞIRDILAR
Avropa rəsmiləri ABŞ-nin yeni seçilmiş Prezidenti Donald Trampın komandasının nümayəndələri ilə Ukraynanı müzakirə ediblər.
Sfera.az bildirir ki, bu barədə “Bloomberg” məlumat yayıb. Qeyd olunub ki, Avropa rəsmiləri qarşı tərəfi Kiyevi dəstəkləməyin zəruriliyinə inandırmağa çalışıblar.
“Tərəflər bir sıra təkbətək söhbətlər aparıb. Avropalıların fikrincə, bu mövzunun müzakirəsi faktı, yeni Amerika administrasiyasının hər hansı danışıqlar başlamazdan əvvəl Kiyevə fəal kömək edəcəyi ehtimalını artırır. Eyni zamanda, Avropa rəsmiləri ABŞ-nin yeni seçilmiş prezidentinin məsləhətləri rədd etmək və son anda mövqeyini dəyişmək reputasiyasına malik olduğunu və onun qərarını inamla proqnozlaşdırmağı çətinləşdirdiyini bildiriblər”.
Tramp komandasının nümayəndəsi isə agentliyə bu məlumatı şərh etməkdən imtina edib.
Günay
