Rusiyada yeni təhsil sistemi - Bakalavr pilləsi ləğv edilir
Dünya
15:09 / 07.01.2025
4805
2026-cı il sentyabrın 1-dən Rusiya universitetləri yeni ali təhsil sisteminə keçid edəcək.
Sfera.az xəbər verir ki, bununla bağlı Rusiya KİV məlumat yayıb.
Bildirilib ki, ölkədə təhsilin bakalavr pilləsi ləğv ediləcək. Bakalavrın əvəzinə təhsildə iki səviyyə tətbiq olunacaq - ali və ixtisaslaşdırılmış ali təhsil.
Əsas səviyyədə təhsil müddəti dörd ildən altı ilədək, ixtisas səviyyəsində isə bir ildən üç ilədək olacaq.
Qeyd edək ki, yeni modelə keçid artıq mövcud proqramlar üzrə təhsilə başlamış tələbələrə təsir etməyəcək.
Xatırladaq ki, 2022-ci ildə Rusiya Boloniya sistemindən imtina edib.
