Yeni il gecəsi qəzada yaralanan gənc vəfat etdi
Hadisə
16:43 / 04.01.2025
6664
Ötən ilin 31 dekabrında Tovuzda baş verən yol qəzasında xəsarət alan qardaşlardan biri vəfat edib.
Sfera.az xəbər verir ki, 16 yaşlı E. Tağıyev Bakıda müalicə aldığı xəstəxanada ölüb.
Qeyd edək ki, rayonun Əlimərdanlı kəndində magistral yolda hərəkət edən "BMW" və "VAZ-2107" markalı avtomobillər toqquşub.
Zərbənin təsirindən aşan "BMW" yolun kənarında dayanan 69 yaşlı Həmid Tağıyevi vurub. Ağır bədən xəsarətləri alan piyada hadisə yerində ölüb.
Qəzada 1965-ci il təvəllüdlü V. Yusifov və üç gənc - Tağıyev qardaşları müxtəlif dərəcəli xəsarətlər alaraq xəstəxanaya yerləşdirilmişdi./"qafqazinfo"
