Polad Həşimovun anası Hökümə Əliyevanın həyat yoldaşı ilə görüşdü - VİDEO
Siyasət
22:04 / 02.01.2025
8836
Milli Qəhrəman, şəhid general-mayor Polad Həşimovun anası Səmayə Həşimova dekabrın 25-də Aktau yaxınlığında sərnişin təyyarəsinin qəzaya uğraması nəticəsində həlak olan təyyarə bələdçisi, Azərbaycanın Milli Qəhrəmanı Hökümə Əliyevanın həyat yoldaşı ilə görüşüb.
Sfera.az xəbər verir ki, görüş II Fəxri xiyabanda baş tutub.
S.Həşimova H.Əliyevanın həlak olması ilə bağlı onun həyat yoldaşına başsağlığı verib, səbr diləyib.
Görüşün görüntülərini jurnalist Səidə Bəkirqızı paylaşıb.
Xatırladaq ki, bu gün Azərbaycanın Milli Qəhrəmanı, şəhid general-mayor Polad Həşimovun doğum günüdür.
Onu da bildirək ki, P.Həşimov və H.Əliyeva II Fəxri xiyabanda dəfn ediliblər.
