Hacıqabulda yol qəzasında ölənlərin sayı 3-ə çatdı -YENİLƏNDİ
Hacıqabulda baş verən qəzada ölən və yaralananlar var.
Sfera.az-ın məlumatına görə, hadisə Bakı-Qazax magistralının Hacıqabul şəhəri ərazisindən keçən hissəsində qeydə alınıb. VAZ 2107 markalı avtomobil dönmə əməliyyatı zamanı sürətlə hərəkətdə olan "Mercedes" markalı avtomobilin qarşısına çıxıb.
Nəticədə VAZ 2107 markalı avtomobil yoldan çıxaraq restoranın qarşısında dayanan digər avtomobillərə çırpılıb. Qəza zamanı azyaşlı ölüb, digər 4 nəfər müxtəlif dərəcəli xəsarətlərlə Şirvan xəstəxanasına yerləşdirilib.
Faktla bağlı araşdırma aparılır.
***
Hacıqabulda baş verən yol qəzasında ölənlərin sayı 3-ə çatıb.
Sfera.az-ın xəbərinə görə, xəsarət alaraq xəstəxanaya yerləşdirilən 2018-ci il təvəllüdlü Qəhrəmanova Günel Vilayət qızı orada həyatını itirib.
