Dekabrda bankların dollar alışı azalıb -Rəqəmlər

2024-cü ilin dekabrında Azərbaycan bankları valyuta hərraclarında 565,2 milyon dollar dəyərində xarici valyuta alıb.

Sfera.az  Mərkəzi Bankın açıqladığı hərrac məlumatlarına istinadən xəbər verir ki, ilin son ayında 8 valyuta hərracı keçirilib.

Bu hərraclarda ən çox alınan dolların məbləği 76,8 milyon dollar, ən az alınan dolların məbləği isə 58,7 milyon dollar olub. Hərraclarda daha çox 70-80 milyon dollar intervalında valyuta alınıb. 2023-cü ilin dekabr ayının göstəriciləri ilə müqayisədə 2024-cü ilin dekabrında dollar alışında azalma baş verib.

Bir il əvvəl banklar valyuta hərraclarında 603,8 milyon dollar almışdılar. Müqayisədən görünür ki, bu ilin dekabrında dollar alışı 38,6 milyon dollar azalıb.

Vasif