“Metropark”da yeni “McDonald’s” restoranı açıldı - FOTO

30 dekabr 2024-cü il tarixində “McDonald’s” Azərbaycan daha bir yeniliyə imza ataraq “Metropark” ticarət və əyləncə mərkəzində yeni restoranını açdı.

Restoran Təbriz küçəsi 106a ünvanında yerləşir.

Bu əlamətdar hadisə ölkədə “McDonald’s” restoranlarının sayının 30-a çatması ilə mühüm bir mərhələni ifadə edir.

Restoranın özünəməxsusluğu ondadır ki, fudkort zonasına yerləşməsinə baxmayaraq, burada xüsusi lobbi və oturma zonası mövcuddur. Yaxın həftələrdə qonaqların istifadəsinə veriləcək bu zona restoranı ziyarət edənlər üçün daha rahat bir mühit yaradacaq.

Ray dizaynında müasir üslubda hazırlanmış bu məkan qonaqlara həm estetik görünüş, həm də rahatlıq bəxş edir.

Yeni restoranın açılması ilə ölkədə təxminən 60 yeni iş yeri yaradılıb. “McDonald’s” Azərbaycan hər yeni restoranı ilə ölkə sakinlərinə məşğulluq və peşəkar inkişaf üçün yeni imkanlar təqdim edir və iş yerlərinin artmasına töhfə verir.

Dünyanın ilk qlobal brendlərindən biri kimi Azərbaycana investisiya yatıran “McDonald’s” artıq 25 ildir ki, qeyri-neft sektorunun inkişafına dəstək verir və yerli istehsalın genişlənməsinə töhfə göstərir. Xüsusilə, “McDonald’s” Azərbaycanın müxtəlif iqtisadi sahələrdən olan 100-dən çox yerli podratçı ilə dayanıqlı əməkdaşlığı xüsusi əhəmiyyət kəsb edir. Bu sahələrə təchizat və logistika, insan resursları, informasiya texnologiyaları, marketinq və digər xidmətlər daxildir.

“McDonald’s” Azərbaycan inkişafını fəal şəkildə davam etdirir və qonaqlara yüksək keyfiyyət və xidmət standartlarına uyğun, müasir və rahat şərait təqdim edir.