“Qəti cavab veriləcək” - Lavrov ABŞ və NATO-nu TƏHDİD ETDİ

“ABŞ və NATO Rusiya üçün yeni raket təhdidləri yaratsalar, qəti cavab alacaqlar”.

Sfera.az bildirir ki, bunu Rusiyanın xarici işlər naziri Sergey Lavrov deyib. O, bu barədə “RİA Novosti” ilə söhbətində danışıb.

Nazir beynəlxalq aləmdə istənilən ssenariyə hazır olmağın vacibliyini vurğulayıb. “Biz öz tərəfimizdən istənilən ssenariyə hazırıq.

Əgər yeni raket təhdidləri yaranarsa, rəqiblər hərbi-texniki cavab tədbirləri görəcəklər.

Lakin məqbul şərait yaratmaq üçün hipotetik addımlar da nəzərə alınacaq”, - Lavrov qeyd edib.

Bundan əlavə, nazir Rusiyanın təhlükəsizlik sahəsində fundamental ziddiyyətlərin kök səbəblərinin aradan qaldırılmasına diqqət yetirməklə, münaqişə potensialının azaldılması üzrə hərtərəfli işdə maraqlı olduğunu bildirib.

O, Ukrayna böhranının əsas səbəblərindən biri və Rusiyanın təhlükəsizliyinə təhdid kimi NATO-nun uzunmüddətli şərqə doğru genişlənməsini göstərib.

Günay