Dəniz sahilində dostları şəklini çəkdi: Bu kadr qız üçün taleyüklü oldu
18 yaşlı Merlin Septiana İndoneziyanın Semeta çimərliyində foto çəkdirərkən dostları ilə əylənib. Qayalarda oturduğu, qulaqcıqda musiqi dinlədiyi, kameraya gülümsədiyi bu fotonun taleyüklü olacağını qız ağlına belə gətirə bilməzdi.
Sfera.az bildirir ki, bir müddət sonra turist qızı böyük dalğa əhatə edir və o, suyun altında yoxa çıxır. İnternetdə yayımlanan görüntülərdə yerli sakinlərin ümidsizcə onu xilas etməyə çalışdıqları görünür. İnamsızlıqla dənizə baxmaqdan başqa heç nə edə bilməyən şahidlərin arxa planda ağlaması və qışqırtıları eşidilir.
Mataram axtarış-xilasetmə şöbəsinin müdiri Lalu Vahyu Əfəndi qeyd edir ki, Merlinin dostları mövcud vasitələrlə, xüsusən də ağac budağı və çubuqla ona kömək etmək istəyiblər, lakin heç bir faydası olmayıb.
Axan sular tərəfindən qayaya çırpılmış qurbanın cəsədini tapmaq iki saat çəkib. Septiana yoxa çıxdığı andan (yerli vaxtla saat 15:00 radələrində) xilasetmə və axtarış əməliyyatı saat 17:13-dək davam edib.
Mərkəzi Lombok Regional Fəlakət İdarəetmə Agentliyinin (BPBD) icraçı direktoru Ridvan Makruf qızın öldüyünü təsdiqləyib. Onun meyiti Tanak Awu kəndində ailəsinə təhvil verilib. İlkin versiyaya görə, qulaqlıq dalğaların səsini boğub.
Yeri gəlmişkən, İndoneziya çimərlikləri istirahət edənlər üçün olduqca təhlükəlidir, xüsusən də güclü axınlar, böyük dalğalar və gözlənilməz təbii fəlakətlər var. Bu, xüsusilə təcrübəsiz üzgüçülər üçün ölümcül ola bilir.
Aysel
