Putin Trampın təklifini də boş adlandırdı: "Fərqi yoxdur"

Rusiya Prezidenti Vladimir Putin ABŞ-də keçirilən seçkilərdə qalib gələn və bütün seçki dövründə Ukrayna müharibəsini 24 saat ərzində bitirəcəyi ilə bağlı ritorikasını təkrarlayan Donald Trampın Co Baydendən fərqli bir təklif irəli sürmədiyini bildirib.

Sfera.az xəbər verir ki, o, bu barədə Leninqradda keçirilən Avrasiya İqtisadi Birliyinin (Aİİ) Ali Şurasının iclasından sonra keçirdiyi mətbuat konfransında danışıb.

 Rusiya lideri fikirlərini bu cür ifadə edib:

“Tramp administrasiyasının “Ukraynanın NATO-ya üzvlüyünü 10-20 il ərzində təxirə salmaq şərtilə münaqişəni dayandırmaq” planının Baydenin təkliflərindən heç bir fərqi yoxdur”.

Putin həmçinin həftənin əvvəlində Moskvaya səfər edən Slovakiyanın Baş naziri Robert Fikonun Ukrayna müharibəsində mümkün atəşkəs danışıqlarında vasitəçi ölkə olmağı təklif etdiyini və bu təklifin onlar üçün uyğun olduğunu da qeyd edib.

Günay