Azərbaycan 170-dən çox ölkə ilə ticarət aparır - RƏSMİ
Azərbaycan 172 ölkə ilə ticarət əməliyyatları həyata keçirir.
Sfera.az Dövlət Statistika Komitəsinə istinadən xəbər verir ki, 2024-cü ilin yanvar-oktyabr aylarında Azərbaycan dünyanın 172 ölkəsindəki tərəfdaşları ilə ticarət əməliyyatları aparıb.
Bu ölkələrdən 120-nə məhsul ixrac olunub, 162 ölkədən isə idxal həyata keçirilib. Gömrük orqanlarında qeydiyyatı aparılan, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilən dəyəri nəzərə alınmaqla, 2024-cü ilin yanvar-oktyabr aylarında xarici ticarət dövriyyəsi 38 milyard 413 milyon ABŞ dolları, o cümlədən ixracın dəyəri 21 milyard 776,3 milyon dollar, idxalın dəyəri 16 milyard 636,4 milyon dollar təşkil edib. Nəticədə 5 milyard 149 milyon dollarlıq müsbət ticarət saldosu yaranıb.
2023-cü ilin yanvar-oktyabr ayları ilə müqayisədə xarici ticarət dövriyyəsi faktiki qiymətlərlə real ifadədə isə 3,9 faiz, o cümlədən idxal 0,4 faiz, ixrac 5,9 faiz azalıb.
Vasif
Sfera.az
