Yaponiya müdafiə xərcləri üçün rekord məbləğ AYIRDI

Yaponiya hökuməti 2025-ci maliyyə ili üçün (2025-ci ilin aprelindən başlayaraq) büdcə layihəsini 115,54 trilyon yen (təxminən 731,28 milyard dollar) məbləğində təsdiqləyib. 

Sfera.az xəbər verir ki, bu barədə Nazirlər Kabinetinin Baş katibi Yoşimasa Hayaşi məlumat verib.

Büdcə layihəsində rekord səviyyəli müdafiə xərcləri nəzərdə tutulur, ölkə tarixində ilk dəfə olaraq bu, 8 trilyon yeni (təxminən 50,6 milyard dollar) keçəcək. Hərbi büdcənin artırılması müdafiə qabiliyyətinin artırılması və zərbə silahlarının istifadəyə verilməsi üçün hökumət tərəfindən təsdiq edilmiş strategiyanın bir hissəsi kimi baş verir.

Əhalinin qocalması səbəbindən sosial təminat xərcləri rekord həddə - 38,3 trilyon yenə (təxminən 242,9 milyard dollar) yüksələcək.

Artan vergi gəlirləri dövlət istiqrazlarının buraxılışını 28,65 trilyon yen (181,7 milyard dollar) qədər azaldacaq, lakin Yaponiya hələ də ağır dövlət borc yükü ilə üz-üzədir, belə borclanma xərclərin təxminən dörddə birini təşkil edir.

Firuzə Əliyeva