"Çelsi" 25 ildən sonra antirekordunu təkrarladı

İngiltərənin "Çelsi" klubu Premyer Liqada antirekordunu təkrarlayıb.

Sfera.az xəbər verir ki, London təmsilçisi bunu evdə "Fulhem"ə uduzduqları Premyer Liqanın XVIII turunun oyununda reallaşdırıb.

"Zadəganlar" 1999-cu ildən sonra ilk dəfə 82-ci dəqiqəyə qədər öndə olduqları matçda məğlub olub. "Çelsi" 25 il əvvəl 83-cü dəqiqəyə qədər hesabda irəli olsa da, "Arsenal"a yenilib - 2:3.

Qeyd edək ki, meydan sahibləri "Fulhem"ə 1:2 hesabı ilə uduzublar. 82-ci dəqiqəyədək hesab 1:0 olub.