Qazaxıstanda Xəzərə çələnglər buraxıldı

"Azərbaycan Hava Yolları"na məxsus J2-8243 nömrəli Bakı-Qroznı reysini yerinə yetirən "Embraer 190" təyyarəsinin necə qəzaya uğraması nəticəsində həlak olanların xatirəsini yad etmək üçün Aktau, Kurık və Bautino limanlarında Xəzər dənizinin sularına matəm çələngləri endirilib.

Sfera.az xəbər verir ki, bu barədə Qazaxıstan "Telegram" kanalları məlumat yayıb.

“Bu jest dəhşətli təyyarə qəzasında həlak olanlara hörmət və hüzn əlamətidir. Bu, son illərin ən faciəli hadisələrindən biridir, onlarla insan, o cümlədən uşaqlar həlak olub. Həlak olanların yaxınlarının hisslərini başa düşürük, biz sizinləyik. Sizin kədərinizi bölüşürük və sizinlə birgə yas tuturuq”, – aksiya iştirakçıları qeyd ediblər.