Qəzaya uğrayan AZAL təyyarəsinin uçuş heyəti sağ qalmayıb

"İlkin məlumatlara görə, Qazaxıstanda AZAL təyyarəsinin qəzaya uğraması nəticəsində uçuş heyəti sağ qalmayıb".

Sfera.az xəbər verir ki, bu barədə "İnterfaks" agentliyinə hadisə yerindəki operativ qərargahdan bildirilib.

Qeyd edək ki, bu gün 10:30 radələrində “Azərbaycan Hava Yolları” aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi Aktau şəhərinin 3 km yaxınlığında qəza enişi edib. Rəsmi məlumata görə, göyərtədə 62 sərnişin, 5 ekipaj üzvü olmaqla, ümumilikdə 67 nəfər olub.  

Firuzə Əliyeva