Avroviziya təmsilçimiz bu tarixdə açıqlanacaq

Avroviziya təmsilçimizin adı Yeni ildə açıqlanacaq. 

Sfera.az xəbər verir ki, bu barədə “Songfestival.azerbaijan”a deleqasiyamızın mətbuat katibi Nurlana Cəfərova məlumat verib:

“Ötən iki il biz yerli bəstələrimizə üstünlük verdiyimiz üçün, bu il yerli bəstəkarların müraciətləri ötən illərlə nisbətdə daha çox oldu. Bu bizi çox sevindirir”.

Cəfərovanın məlumatına görə, daxili seçimlərlə bağlı adları hallanan ifaçıların xəbəri hətta onu çox təəccübləndirib:

“Əgər bu, həqiqət olsaydı, bunu rəsmi şəkildə “İctimai Eurovision” səhifəsindən və ya mənim açıqlamamdan bilmiş olardız. Bizim ciddi reaksiyamız yoxdursa, aydın məsələdir ki, bu şayiə olduğu üçündür. Hər şayiəyə reaksiya vermək çox vaxtımızı aparar”.