Teo Ceyms Azərbaycandan danışdı
Birləşmiş Millətlər Təşkilatının (BMT) Qaçqınlar üzrə Ali Komissarlığının xoşməramlı səfiri, məşhur britaniyalı aktyor Teo Ceyms BMT-nin Müxbirlər Assosiasiyasının (United Nations Correspondents Association) təşkil etdiyi mükafatlandırma gecəsində Azərbaycana səfərindən danışıb.
Sfera.az report-a istinadən yazır ki, Teo Ceyms BMT rəsmilərinin və diplomatların qatıldığı gecədə çıxış edərək Azərbaycanın bu il ev sahibliyi etdiyi COP29-da iştirak etdiyini deyib. O, COP29 çərçivəsində iqlim dəyişikliyi ilə mübarizədə Bakıda reallaşdırdığı vacib görüşlərdən bəhs edib.
Əməkdaşımızla həmsöhbət olan aktyor ölkəmizdə səmərəli və gözəl vaxt keçirdiyini dilə gətirib, Azərbaycan xalqına sevgilərini göndərib.
Qeyd edək ki, UNCA mükafat gecəsində Teo Ceyms “İlin Qlobal Vətəndaşı” mükafatını alıb.
