Türkiyənin cari əməliyyatlar balansı tarazlaşır - Son 5 ayda profisit olub

Türkiyə iqtisadiyyatının cari əməliyyatlar balansında oktyabrda 1,88 milyard dollar müsbət saldo yaranıb. “Bloomberg” sorğusuna qatılan iqtisadçıların gözləntiləri cari əməliyyatlar hesabında müsbət saldonun 1,3 milyard dollar olacağı idi. Sentyabr ayında cari əməliyyatlar balansı 3 milyard dollar müsbət saldo vermişdi.

Sfera.az xatırladır ki, cari əməliyyatlar balansında iyundan etibarən hər ay profisit olur.

Türkiyə Respublikası Mərkəzi Bankının məlumatlarına görə, oktyabr ayında enerji və qızıl xaric cari əməliyyatlar balansında 7,2 milyard dollar müsbət saldo yaranıb.

Amma illik hesablamada cari balansda 7,68 milyard dollar kəsir qeydə alınıb.

Qeyd edək ki, Türkiyədə həmişə cari əməliyyatlar balansında kəsir müşahidə olunub. Bu səbəbdən türk lirəsi davamlı ucuzlaşıb. Son aylarda cari əməliyyatlarda kəsirin azalması müşahidə edilir ki, bu da lirənin ucuzlaşma sürətini xeyli azaldıb.

Vasif

Sfera.az