""Oreşnik"in bu hissəsi Belarusda istehsal edilib" - Lukaşenko sirləri açdı

“Oreşnik” kompleksindəki buraxılış qurğusu Belarus mənşəlidir.

Sfera.az xəbər verir ki, bunu Borisovda “Pojsnab” MMC müəssisəsinin işçilərinin iclasında Belarus prezidenti Aleksandr Lukaşenko deyib. Onun sözlərinə görə, raket istisna olmaqla, “Oreşnik”dəki bütün buraxılış qurğusu Belarusa aiddir.

Adıçəkilən qitələrarası raket artıq Belarusda da var. Dekabrın 7-də Belarus Silahlı Qüvvələrinin Baş Qərargah rəisinin müavini Sergey Laqodyuk bəyan edib ki, “Oreşnik”in Belarusda yerləşdirilməsi barədə qərar ABŞ və Almaniyanın Avropada orta mənzilli raketlərin yerləşdirilməsi ilə bağlı addımlarına cavab olaraq qəbul edilib.

Dekabrın 6-da isə Lukaşenko Putindən “Oreşniki” Belarusda da yerləşdirməyi xahiş etmişdi.

Vasif

Sfera.az