Suriyadakı rus əsgərlərinin sayı MƏLUM OLDU: "Onlar bir neçə günə yox olacaq"

“Suriyada yaranan yeni vəziyyət Rusiyanı burada olan hərbi qüvvələri təcili çıxarmağa məcbur edib. Çıxarılan qüvvələr Ukraynadakı cəbhəyə göndərilə bilər”.

Sfera.az xəbər verir ki, bunu UNİAN-a danışan Ukraynanın Milli Təhlükəsizlik və Müdafiə Şurasının Dezinformasiyaya Qarşı Mübarizə Mərkəzinin rəhbəri Andrey Kovalenko bildirib.

Onun qənaətincə, Suriyadakı rus əsgərlərin müharibə zonasına göndərilməsi cəbhədəki ümumi vəziyyətə ciddi təsir etməyəcək. Kovalenko bu əminliyini Rusiyanın Suriyada saxladığı əsgər sayının çox olmaması ilə əlaqələndirib:

“2024-cü ilin yayına olan məlumata görə, Suriyada özəl hərbi şirkətlərin nümayəndələri də daxil olmaqla, təxminən 6000-7500 rusiyalı hərbçi olub. Bütün bu hərbi qulluqçular Rusiya Federasiyasına, oradan isə Ukraynaya qarşı müharibəyə göndərilsə belə, bu, cəbhədəki vəziyyətə ciddi təsir göstərməyəcək. Çünki Rusiya ordusunun hücum əməliyyatları zamanı hər gün çoxlu sayda əsgər ölür və ya yaralanır. Bu qədər əsgər cəmi bir neçə gündə sıradan çıxarılacaq”.

Kovalenko istisna etmir ki, Rusiya bu əsgərlərin bəzilərini Afrikaya köçürsün.

Vasif

Sfera.az