"Reina"dakı "Santa-Klaus": "Bir yaralını içəri salıb qapını bağladıq"

Yeni il gecəsi İstanbulun məşhur "Reina" gecə klubunda baş vermiş qətliamla bağlı daha bir şahid danışıb.
Sfera.az lent.az-a istinadən bildirir ki, Yeni il gecəsi klubda Santa-Klaus geyimindəki yeganə şəxs olduğunu deyən 33 yaşlı Səlçuk Ş. hadisəni "Habertürk"ə nəql edib. 

39 nəfərin öldürüldüyü restoran-barda Santa-Klaus geyimində müştərilərə xidmət etdiyini deyən şahid bildirib ki, hər il Yeni il gecəsi bu geyimdə turistlərə içki paylayır:

"Saat 1.15 radələrində "tak-tak!" deyə silah səsləri eşidildi. Şampan, ya da fişəng partladılır sandım. Ətrafa baxdım, insanlar üstümə doğru axışırdılar. Pilləkənlə restoranın yay meydanına endim. Burada Hollandiyadan gəlmiş dostum və rəfiqələri vardı. Bir dəqiqədən artıq müddətdə silah səsləri kəsilmədi. Sonra qız dostumu tapmaq üçün yuxarı qalxdım. O və digər dostları gizlənmişdilər. Biz qaçmağa başladıq və bəzi insanlar da bizim ardımızca gəldilər. Kimsə haraya gedəcəyini bilmirdi. Mətbəx tərəfdəki otağa girib gizləndik. 15-20 nəfər idik. Əri öldürülmüş livanlı qadın ağlayırdı. Qapının önündən keçən bir yaralını da içəri salıb qapını bağladıq. Əlimizə nə keçirdisə qapının qarşısına yığırdıq. Həm də yaralının qanaxmasını dayandırmağa çalışırdıq". 

Təxminən yarım saat otaqda qaldıqlarını deyən Səlçuk Ş əlavə edib: "Hamı telefonla bizə zəng edirdi. Biz də gizləndiyimiz yeri polisə izah etməyə çalışırdıq. Sonra xüsusi təyinatlılar gəlib bizi çıxardılar". 

"Reina"da Santa-Klaus geyimli tək şəxsin özü olduğunu deyən 33 yaşlı ofisiant terrorçunu görmədiyini bildirib: "Əgər onu görsəydim, indi yaşamırdım. Santa-Klaus geyimində məni görsəydi, yəqin ki, bütün güllələri mənə tərəf atardı. Hadisədən sonra Santa-Klaus geyimli bir nəfərdən bəhs edildiyini, onun atəş açdığının iddia edildiyini gördüm və çox təəccübləndim. Kamera görüntülərində hər şey var. Həmin gecə polisə də ifadə verdim. İçəridə neçə terrorçunun olduğunu isə dəqiq bilmirəm".

OXŞAR XƏBƏRLƏR

Bloqqerlərə özlərini ərəb şahzadəsi kimi göstərməklə satış etmək qadağan edilib

Çində məhsulları tanıtmaq üçün özünü "Yaxın Şərq şahzadələri" kimi təqdim edən şəxslərin hesabları bloklanıb.   Sfera.az bildirir ki, sosial ...

Evini qəsdən partladıb: Niyə belə etdi?

Britaniyada məhkəmə bir evi dağıdan və yaxınlıqdakı tikililərə ciddi ziyan vuran partlayışın qəsdən törədildiyini müəyyən edib. Hadisə ötən ilin iyununda Böyük ...

3 dollara aldığı tablonun əsl qiymətini biləndə şoka düşdü - FOTOLAR

Ohayoda (ABŞ) Marisi Macy Goodwill (Marisa Meysi Qudvil) ikinci əl mallar mağazasında cəmi üç dollara aldığı rəsmin əslində nə qədər baha olduğunu biləndə gözlə...

Məşhur “Netflix” serial ulduzu 15 il həbs cəzasına məhkum edildi

“Netflix”də yayımlanan “Sex Education” serialının ulduzu, 24 yaşlı britaniyalı aktyor Alexander Westwood (Vestvud) 15,5 il müddətinə aza...

Valideynlə mübahisə zamanı halı pisləşən müəllim vəfat etdi

Bakıda müəllimlə valideyn arasında mübahisə ölümlə nəticələnib.   Sfera.az oxu.az-a istinadən xəbər verir ki, hadisə bir neçə gün öncə 25 nömrəl...

Paşinyandan sülh sazişi açıqlaması: "Biz hazırıq"

Ermənistan Azərbaycanla dəmir yolu əlaqəsi rejimini qarşılıqlı əsasda daha da sadələşdirməyə hazırdır. Sfera.az xəbər verir ki, bunu Ermənistanın baş naz...