Sülh üçün Zəngəzur dəhlizinin açılması əhəmiyyətlidir - Fuat Oktay
Bölgədə qalıcı sülh üçün Zəngəzur dəhlizinin açılması əhəmiyyətlidir.
Sfera.az APA-ya istinadən xəbər verir ki, bunu Türkiyə Böyük Millət Məclisinin Xarici əlaqələr komitəsinin sədri Fuat Oktay jurnalistlərə açıqlamasında deyib.
O bildirib ki, Qarabağ savaşından sonrakı razılaşmaya əsasən, Zəngəzur dəhlizinin açılması məsələsi var: "Bu dəhliz başda Ermənistan və Azərbaycan olmaqla, bölgə ölkələri, o cümlədən İran, Türkiyə və Rusiya üçün barış, rifah və inkişaf yoludur. Eyni zamanda bölgədə daimi sülhün təmini üçün də bu dəhliz mühümdür. Ümid edirik ki, Ermənistan üçüncü tərəflərdən özünə gələn yanlış bilgiləndirmələrə qulaq asmaz, sülh və inkişaf planının həyata keçməsinə icazə verər. Zəngəzur dəhlizi Azərbaycan tərəfində tamamlanıb, Ermənistan sərhədlərində tamamlanmall işlər var. Ümid edirik ki, bu, qısa zamanda reallaşar”.
