Müəmmalı bir mesaj buraxdı: Yaponiyanın ən gözəl qadını ölü tapılıb

"Yaponiyanın ən gözəl qadını" adlandırılan aktrisa Miho Nakayama “İnstaqram”da son ürpədici paylaşımını paylaşdıqdan sonra hamamda ölü tapılıb.


Sfera.az bildirir ki, 54 yaşlı qadın vanna otağında dik oturmuş və irəli əyilmiş vəziyyətdə tapılıb. Böyükşəhər Polis İdarəsi onun boğulma ehtimalının olduğunu bildirib.

Polisin məlumatına görə, Miho Nakayama qəfil hücum və ya qəza nəticəsində ölüb.
 

Pərəstişkarları tərəfindən məhəbbətlə "Miporin" kimi tanınan xanım Nakayama daha çox 1995-ci ildə beynəlxalq alqışlar qazanan və bir neçə ən yaxşı qadın rolu mükafatı qazanan "Sevgi məktubu" filmindəki baş rolu ilə tanınır.


1980 və 1990-cı illərdə karyerasının zirvəsində o, Yaponiyanın ən gözəl qadını sayılırdı, çoxsaylı məşhur televiziya şoularının ulduzu və həmçinin “J-pop” müğənnisi kimi pərəstişkarlar qazanıb.
 

O, dekabrın 6-da Osakada Milad tədbirində çıxış etməli idi. Şou onun ölümü elan edilməzdən əvvəl ləğv edilib, səbəb səhhətinin pis olması göstərilib.

O, işə gəlmədikdə, komandasının üzvü Nakayama xanımın evinə gedib və onu huşsuz vəziyyətdə tapıb. Təcili yardım çağrılıb və onun hadisə yerində öldüyü bildirilib.


Xanım Nakayama bir gün əvvəl Tokioda keçirilən müasir incəsənət sərgisindən “İnstaqram”da foto yerləşdirib.
 

Aktrisa son paylaşımının altında: “Bir neçə gündür o qədər depressiyaya düşmüşdüm ki, ancaq ora getdiyim dostumla danışa bilmişəm” - deyə yazıb.
 

Xanım Nakayamanın keçmiş həyat yoldaşı, musiqiçi Hitonari Tsuji ilə birlikdə nigahdan olan oğul övladı qalıb.
 

Cütlük 2002-ci ildə evlənərək Parisə köçüb. Nakayama burada karyerasına fasilə verib vaxtının çoxunu ictimaiyyətin diqqətindən kənarda keçirib.
 

Daha sonra o, Yaponiyaya qayıtdı və 2010-cu ildə bir filmdə rol alması da daxil olmaqla, karyerasına davam edib.
 

Qeyd edək ki, Miho Nakayama 1985-ci ildə 14 yaşında “Maido Osawaqaseshimasu” komediyasında debüt edib.
 

Daha sonra “Sleeping Forest” (1998) kimi bir sıra televiziya şoularında və filmlərdə rol alıb. Onun filmdəki ən böyük uğuru, mərhum nişanlısının ünvanında yaşayan qəribə məktublar yazan kədərli bir dul qadının hekayəsindən bəhs edən “Sevgi məktubu”dur.


Müğənni kimi debüt mahnısına görə "Ən yaxşı yeni sənətçi" nominasiyasında Yaponiya Rekord Mükafatını qazanıb və “Wands rok” qrupu ilə birlikdə ifa etdiyi “Tada Nakitaku No” və “Sekaijuu no Dare Yori Kitto” kimi mahnılarla böyük uğur qazanıb.

Xanım