Rumıniya Prezidenti İohannis: Seçkilər buna görə ləğv olub...

Rumıniyada keçirilən prezident seçkilərində ilk turda qalib gələn müstəqil namizəd Kalin Georgeskunun seçki kampaniyası xarici dövlətdən dəstək aldığı üçün seçkinin nəticələri ləğv edilib.
 

Sfera.az xəbər verir ki, bunu Rumıniya Prezidenti Klaus İohannis deyib.
 

“Biz bu namizədin kampaniyasının xarici dövlət tərəfindən dəstəkləndiyi barədə xidmətlərdən məlumat aldıq”,- o vurğulayıb.
 

Bundan əlavə, ölkə prezidentinin sözlərinə görə, Georgescu iki gün ərzində - seçkilərdən əvvəl və seçkilərin özlərində seçki kampaniyasından "qanunsuz istifadə edib".
 

Bundan əvvəl Federasiya Şurasının İnformasiya Siyasəti və KİV-lə Qarşılıqlı Əlaqələr Komissiyasının rəhbəri Aleksey Puşkov Rumıniya Konstitusiya Məhkəməsinin ölkədə keçirilən prezident seçkilərinin birinci turunun nəticələrinin ləğvi barədə qərarını çevriliş adlandırıb .
 

Dekabrın 6-da məlum olub ki, Rumıniyanın Konstitusiya Məhkəməsi ölkədə keçirilən prezident seçkilərinin birinci turunun nəticələrini ləğv etmək barədə qərar qəbul edib. Digi 24 telekanalının məlumatına görə, hakimiyyətə prezident seçkilərinin ləğvi ilə bağlı çoxlu sayda yeni müraciətlər daxil olub. Onlar ölkənin Ali Müdafiə Şurası tərəfindən məxfiliyi ləğv edilmiş sənədlərə istinad ediblər, bu sənədlərə əsasən, seçki kampaniyası pozuntularla keçib.

İnci