Britaniyalılar fırtına təhlükəsi ilə üz-üzə qalıblar
Darragh qasırğası saatda 145 kilometrdən çox sürətlə Britaniyaya doğru irəliləyir.
Sfera.az xəbər verir ki, Böyük Britaniyanın Meteorologiya Xidmətinin saytında ölkə sakinlərinin həyatı üçün təhlükənin olması barədə məlumat yayılıb.
Qarşıdan gələn təbii fəlakətlə əlaqədar olaraq, meteoroloji xidmət dekabrın 7-si şənbə günü üçün ən yüksək, qırmızı hava təhlükəsini təqdim edib. Bu gün Uelsdə və İngiltərənin cənub-qərbində güclü küləyin elektrik enerjisini kəsməsi, evlərə ziyan vurması, nəqliyyatın hərəkətini dayandırması kimi hallar müşahidə olunub.
"Darrah fırtınası ilə bağlı dağıdıcı küləklərin əhəmiyyətli fəsadlar törədəcəyi gözlənilir... Uçan dağıntılar və ağacların aşması nəticəsində həyat üçün təhlükə var", - meteoroloqların bəyanatında deyilir.
Meteoroloqlar tərəfindən tərtib edilmiş xəritədən verilən məlumata görə, Böyük Britaniyanın əksər hissəsi dekabrın 7-də güclü küləklər üçün minimum sarı hava xəbərdarlığı altındadır. Qərb sahili və Şimali İrlandiya orta narıncı səviyyədə qalacaq.
İnci
