Zirədəki Ekoparkda Qərbi Azərbaycan parkı yaradılacaq
Zirədəki Ekoparkda Qərbi Azərbaycan parkının salınması planlaşdırılır.
Sfera.az xəbər verir ki, bunu Qərbi Azərbaycan İcması (QAİ) İdarə Heyətinin sədri Əziz Ələkbərli jurnalistlərə açıqlamasında deyib.
Onun sözlərinə görə, “Qayıdış hüququ: Ermənistandan zorla çıxarılmış azərbaycanlılar üçün ədalətin təmin edilməsi” mövzusunda II beynəlxalq konfransın ikinci günündə keçirilən ağacəkmə aksiyasında hər bir qonağın adına ağac əkilib:
"Bu ənənə növbəti illərdə də davam etdiriləcək. Bu ərazidə böyük bir Qərbi Azərbaycan parkı yaradılacaq".
O deyib ki, konfrasın ilk günündə baş tutan panel sessiyada qonaqlara Qərbi Azərbaycan həqiqətləri ilə bağlı məlumatlar verilib:
"Bugünkü tədbir isə Qərbi Azərbaycanın irsi ilə bağlıdır. Qərbi Azərbaycanda bizim soydaşlarımız zəngin, mədəni irs qoyublar. Bu irsi emənilər ən müxtəlif formada saxtalaşdırıb. Bununla bağlı sərgi nümayişdirilib. Musiqimiz, mətbəximiz, mədəniyyətimiz bu gün təqdim ediləcək. Məqsədimiz odur ki, qonaqlar bu dinləmələrlə kifayətlənməsinlər və bilsinlər ki, bu ərazilərdə mədəni irsimizə qarşı vəhşilik törədilib".
