Evliliyi məhvə sürükləyən ƏSAS SƏBƏBLƏR - Tanınmış hüquqşünasdan AÇIQLAMA
Nyu-Yorkun tanınmış boşanma hüquqşünaslarından biri olan Ceyms Sexton evlilikləri məhvə sürükləyən əsas səhvləri açıqlayıb.
Sfera.az xəbər verir ki, bu barədə “NTV Haber” məlumat yayıb.
O bildirib ki, cütlüklər evləndikdən sonra bir-birilərinə jestlər və süprizlər etməyi dayandırırlar. Bu isə yanlışdır və evliliyin monotonlaşmasına səbəb olur.
“Evliliyi bitirən ikinci amil intim münasibətin azalmasıdır. Yaxınlığa laqeyd yanaşan cütlüyün dostlardan heç bir fərqi yoxdur. Həyat yoldaşınız zamanla sadəcə otaq yoldaşınıza çevriləcək. Uşaqları olan cütlüklər də zaman keçdikcə bir-birilərindən uzaqlaşırlar. Daha çox zamanı uşağa və onun istəklərinə ayırırlar. Bu da evliliyi məhv edən yanlışlardan hesab olunur. Bu gün sosial şəbəkələrə sərf olunan vaxt da artıb. Sosial media evlilik dinamikasını dərindən sarsıdır. Zamanla cütlüklər bir-birilərinə laqeydlə yanaşır və istəklərini görməməzlikdən gəlirlər. Bu da, əsasən, xəyanətlə nəticələnir.
Lakin həyatı yalnız partnyora da həsr etmək düzgü deyil. Hər bir fərdin özünəməxsus maraq dairələri var. Onlara zaman ayırmalı və daima özünü inkişaf etdirməlidir. Yoxsa, partnyorunu çox yaxşı tanıyan biri ondan tez sıxılacaq və yeni macəralar axtaracaq”.
Ülkər Abdurahmanlı
Sfera.az
