Polis məktəblilərlə görüşdü - FOTO
Siyəzəndə polis məktəblilərin qonağı olub.
Sfera.az xəbər verir ki, bu barədə DİN-in mətbuat xidmətindən məlumat verilib.
Siyəzən Rayon Polis Şöbəsinin təşkilatçılığı ilə rayonun Böyük Həmyə kənd tam orta məktəbində “Narkomaniyaya yox deyək” və “Erkən nikahın fəsadları” mövzularında maarifləndirmə tədbiri keçirilib.
Şagirdlərlə görüşdə çıxış edən RPŞ-nin rəisi, polis polkovniki Xəqani Məmmədov narkotiklərin qanunsuz dövriyyəsinin cəmiyyətə və insanların sağlamlığına vurduğu zərərlərdən ətraflı bəhs edib, bu istiqamətdə hüquq-mühafizə orqanlarının, o cümlədən polisin apardığı qətiyyətli mübarizə barədə tədbir iştirakçılarını məlumatlandırıb. Həmçinin, çıxış edən RPŞ-nin azyaşlılar üzrə baş inspektoru, polis mayoru Orxan Şahmarov məktəblilərə erkən nikahın fəsadlarından bəhs edib.
Sonda mövzularla ilə bağlı videoçarxlar nümayiş olunub və məktəbliləri maraqlandıran suallar cavablandırılıb.
