Diqqətsiz pilot hava limanında əyləci basmağı unutdu - FOTO
Dekabrın 1-i axşam saatlarında Nayrobidəki (Keniya) Como Kenyatta beynəlxalq hava limanında “De Havilland Canada DHC-8-402” təyyarəsi ilə insident baş verib.
Sfera.az bildirir ki, Keniyanın aşağı büdcəli “Jambojet” aviaşirkətinə məxsus təyyarə VIP terminalda bayraq dirəkləri ilə toqquşduqdan sonra ciddi zədələnib.
İnsident təkərlərdə tıxacların olmaması və pilotun əyləci basmaması səbəbindən baş verib. Təyyarə enişdən çıxaraq burnunun metal dirəklər arasında ilişib qalmasına səbəb olub. Təyyarədə dərin cızıqlar və çuxurlar qalıb.
“Jambojet” Hava Yolları hadisəni təsdiqləyən rəsmi açıqlama yayıb.
"Dayanacaqda olan zaman təyyarə enişdən aşıb və dirəklə toqquşub, nəticədə burnu zədələnib. Qeyd etmək istərdik ki, əməkdaşlarımızdan heç biri xəsarət almayıb. Komandamız vəziyyəti araşdırmaq üçün səlahiyyətli orqanlarla fəal əməkdaşlıq edir. Təhlükəsizlik bizim əsas prioritetimiz olaraq qalır və əməliyyatlarımızda ən yüksək standartları qorumağa davam edirik"-deyən şirkət sözçüsü oxşar hadisələrin qarşısını almaq üçün lazımi tədbirlər görüb.
Təmir və yoxlamalar başa çatana qədər təyyarə müvəqqəti olaraq istismardan çıxarılıb. Aviaşirkət, həmçinin sərnişinlərə insidentlə bağlı mümkün uçuş gecikmələri barədə xəbərdarlıq edib və yaranan narahatlığa görə üzr istəyib.
“Jambojet” işçilərin və müştərilərin təhlükəsizliyinə sadiqliyini vurğulayaraq, belə hadisələrin qarşısını almaq üçün bütün lazımi tədbirləri gördüyünü bildirib.
Aynil
