Aİ 500 milyard avroluq müdafiə fondu yaratmağı planlaşdırır

Avropa İttifaqı dövlətləri icma üzvlərinin müdafiə layihələrini maliyyələşdirmək üçün birgə fond yaratmaq imkanını nəzərdən keçirir.
 

Sfera.az bildirir ki, Financial Times (FT) öz mənbələrinə istinadən məlumat yayıb ki, fondun təxmini həcmi 500 milyard avro ola bilər, baxmayaraq ki, bu məbləğ hələ dəqiqləşdirilməyib.

Nəşrin məlumatına görə, fondun istiqrazların emissiyası hesabına doldurulacağı gözlənilir ki, bu da yalnız Avropa İnvestisiya Bankının dəstəyi ilə layihələrdə iştirak edən ölkələr tərəfindən təmin ediləcək. Təşəbbüsdə iştirak könüllü olacaq və Böyük Britaniya, Norveç və Aİ üzvü olmayan digər Avropa ölkələri üçün açıq olacaq.
 

Bu tədbir Aİ-də müştərək fondlardan müdafiənin maliyyələşdirilməsində mövcud məhdudiyyətlərin qarşısını alacaq. Fonddan alınan vəsaitlər birgə müdafiə layihələrinin həyata keçirilməsinə, o cümlədən dəyəri artıq təqribən 500 milyard avro dəyərində olan Avropa hava hücumundan müdafiə sisteminin yaradılmasına yönəldilə bilər.
 

“Biz fəal müzakirələr mərhələsindəyik, lakin Berlinin bütün bunlara baxışının nədən ibarət olduğu hələ də bəlli deyil ”, - deyə nəşr qeyd edib.

İnci