Cənubi Koreyada hərbi vəziyyət prezidentin əmrinə qədər davam edəcək

Cənubi Koreyada hərbi vəziyyət ölkə prezidentinin ləğvi barədə göstəriş verənə qədər qüvvədə qalacaq.

Sfera.az xəbər verir ki, bu barədə YTN telekanalı məlumat yayıb.

Bundan əvvəl ölkə parlamenti növbədənkənar iclasında prezident Yun Seok-yeol tərəfindən tətbiq edilən hərbi vəziyyət rejiminin ləğvinə səs verib. Respublika başçısı bu tədbirə səbəb kimi konstitusiya quruluşunun qorunması və “Şimali Koreyayönlü qüvvələrə” qarşı durmağın zəruriliyini göstərib. Prezident həmçinin müxalifətin ölkə büdcəsi ilə bağlı fikir ayrılıqlarına görə bir sıra məmurları impiçment etmək cəhdlərini xatırladıb.
 

Hərbi vəziyyətin tətbiqindən sonra komandir təyin edilən Cənubi Koreya Quru Qoşunlarının Baş Qərargah rəisi Park An Su parlamentin, siyasi partiyaların və mitinqlərin fəaliyyətinə qadağa qoyulduğunu elan edib, media nəzarətə götürülüb.

İnci