Üç ölkənin səfiri Gürcüstan XİN-ə çağırıldı

Litvanın, Estoniyanın Tiflisdəki səfirləri və Latviya səfirliyinin müvəqqəti işlər vəkili Gürcüstan Xarici İşlər Nazirliyinə çağırılıb.

Mf Gürcüstan XİN-in açıqlamasına istinadən xəbər verir ki, bu addım həmin ölkələrin Gürcüstan hakimiyyətinin nümayəndələrinə qarşı sanksiyalar tətbiq etməsi ilə əlaqədar atılıb.

Nazirlik bildirir ki, görüşdə üç ölkənin Gürcüstanın hökumət rəhbərlərinə və hüquq-mühafizə orqanlarının əməkdaşlarına qarşı sanksiyaların tətbiqi ilə bağlı bəyanatlar verməsindən narahatlıq ifadə olunub, onların ölkələr arasındakı tərəfdaşlıq münasibətlərinə zidd olduğu qeyd edilib.