Britni Spirs yeni həyata başlayıb: "Kişilərlə işini bitirib..."

Məşhur amerikalı müğənni Britni Spirs silsilə boşanma, iş və qalmaqallı hadisələrdən sonra sanki yeni həyata başlayıb.

Sfera.az bildirir ki, ulduza yaxın mənbələr alkoqoldan, narkotikdən və "zəhərli kişilərlə" münasibətdən əl çəkdiyini bildirir.

Mənbənin sözlərinə görə, Britni Spirs həyatında çoxlu səhvlər edib, lakin indi o, hər şeyi dəyişdirmək və həyatını yenidən qurmaq niyyətindədir. Onun fikrincə, Hollivudda hər kəs indi pıçıldayır: “Britni geri döndü”. 

Müğənni spirtli içki qəbulunu məhdudlaşdırıb və ən əsası narkotikdən imtina edib. Maliyyəsinə tam nəzarət edir və keçmiş cinayətkar Solizlə əlaqəni kəsərək zəhərli insanlarla bir daha ünsiyyət qurmayacağına and içib.

"Hələlik o, kişilərlə işini bitirib və diqqətini özünə cəmləyib. O, ayıqdır və narkotik istifadə etmir. Hərdən bir stəkan şərab içir, amma narkotik problemi yoxdur və onun ətrafında çox yaxşı insanlar var. Artıq əmindir ki, o, doğru yolda qalıb”- deyə mənbə bildirib.

Bildirilir ki, ulduz mütəmadi olaraq terapevtlə işləyir və yazılan dərmanları qəbul edir. Onun üzərində işləmək üçün sağlamlığına və düzgün qidalanmasına nəzarət edən bir aşpaz və tibb mütəxəssisi də işə götürüb. Spirsin dostları belə kəskin dönüşü Britninin həqiqətən də uşaqları ilə münasibətlərini yaxşılaşdırmaq istəməsi ilə əlaqələndirirlər. Onun indi yetkinlik yaşında olan iki: 19 yaşlı Şon Preston və 18 yaşlı Ceyden Preston adlı oğlu var. Oğlanlar ulduz analarını tez-tez görmürdülər və 13 il ərzində əsasən ataları Kevin Federlaynın qəyyumluğunda olublar. İndi Britni uşaqları ilə münasibətlərini bərpa edə bilib.

"O, oğullarının sevgisini geri qaytarıb. Bu, onun üçün dəyişiklik oldu. Onlar tez-tez danışır və hər zaman mesajlaşırlar. Britninin istədiyi yalnız bu idi".

O da bildirilir ki, bir vaxtlar atasının nəzarətindən azad olan Spirs 60 milyon dollar dəyərində olan sərvətinə nəzarəti bərpa edib. Mənbələrin dediyinə görə, onun ən çox satılan "İçimdəki qadın" kitabı maliyyə uğuru olub. Spirs 2022-ci ildə təxminən 15 milyon dollarlıq müqavilə imzalayıb. Kitabı nəşr olunub və pərəstişkarları arasında məşhurlaşaraq bestsellərə çevrilib. O vaxtdan bəri bütün dünyada üç milyondan çox nüsxə satılıb. 

"O, xatirələrini yazanda özünü məğlub hiss etsə də, tez bir zamanda pul qazanmalı idi. O, heç vaxt düşünməmişdi ki, bu, onun bütün həyatını tamamilə dəyişəcək"- deyən mənbə müğənninin indi qarşıya daha yüksək hədəflər qoyduğunu bildirib. Britni milyarder olmaq istəyir, həmçinin "Tiny B" adlı yeni zərgərlik xətti üzərində işləyir.

Bununla belə, onun gələcək rifahı və maliyyə təhlükəsizliyi üçün bəlkə də ən vacibi zəhərli kişilərə qayıtmayacağına dair andıdır. Spirsin özünün etiraf etdiyi kimi, onun son şəxsi həyatı həqiqətən də çətin olub. 2022-ci ildə model Sem Əsgəri ilə evlənib, lakin iki ildən az bir müddət sonra o, xəyanət etdiyi iddiaları fonunda "barışmaz fikir ayrılıqlarını" əsas gətirərək boşanmaq üçün ərizə verib.

Spirsə yaxın mənbələr Əsgəri ilə münasibətindən lap əvvəldən narahatlığını ifadə edərək, onun "istəkli aktyor" kimi məşhur müğənnidən istifadə etdiyini iddia edirdilər. Daha sonra Britninin keçmiş cinayətkar Paul Soliz ilə münasibəti olub, bəzi mənbələrə görə, artıq bitib. Beləliklə, Britni Spirs tam azaddır və həyatını yenidən qurmaqda qərarlıdır.

Aysel