Bank rəhbəri edam olunacaq - 16,8 milyon dollarlıq rüşvət QALMAQALI

Çinin ən böyük banklarından birinin keçmiş rəhbəri edam olunacaq.

Sfera.az xəbər verir ki, "Bank of China"nın keçmiş sədri Liu Liangge rüşvət almaqda və qanunsuz kredit verməkdə təqsirli bilinərək edam cəzasına məhkum edilib.

Belə ki, Liu Lianggenin işi üzrə istintaq ötən il başlayıb. Məhkəmə onu 121 milyon yuandan (təxminən 16,8 milyon ABŞ dolları) çox məbləğdə rüşvət almaqda təqsirli bilib. 

Qeyd edək ki, bu hal Çində ilk dəfə deyil. 2023-cü ildə Çin dövlət maliyyə qrupu “China Everbright Group”un keçmiş sədri Li Xiaopeng də həbs edilib. Bundan əlavə, Çinin ən böyük sığorta şirkətlərindən biri olan “China Life Insurance”in keçmiş rəhbəri Van Bin möhlətlə edam cəzasına məhkum edilib.

Firuzə Əliyeva