Məktəb direktoru qəzada öldü - FOTO
Bu gün İmişlidə ölümlə nəticələnən yol-nəqliyyat hadisəsi baş verib.
Gundem.az xəbər verir ki, hadisə Hacıqabul-Bəhrəmtəpə-Mincivan avtomobil yolunun İmişli rayonunun Məzrəli kəndi ərazisindən keçən hissəsində qeydə alınıb.
Belə ki, Məzrəli kənd sakini İsayev Əldursun Feyruz oğlunun idarə etdiyi "Toyota" markalı avtomobillə Aranlı kənd sakini Qənbəralıyev Vüsal Teyyub oğlunun sükan arxasında olduğu "Hyundai" markalı minik maşını toqquşub. Nəticədə Əldursun İsayev ölüb, Vüsal Qənbəralıyev isə xəstəxanaya yerləşdirilib.
Əldə etdiyimiz məlumata görə, qəzada həlak olan Əldursun İsayev İmişli rayon Məzrəli kənd tam orta məktəbinin direktoru olub. İmişli rayon təhsil sektorunda metodist, Məzrəli kənd tam orta məktəbində məktəb direktoru, yaxın günlərdə isə regional təhsil idarəsində fəaliyyətə başlamışdı.
Ailəli idi, yaxın günlərdə oğluna kiçik toy etmişdi.
Faktla bağlı araşdırma aparılır.
