"Qalatasaray"dan İkardinin həbsi ilə bağlı AÇIQLAMA
17:31
"Qalatasaray" klubunun ulduz futbolçusu Mauro İkardi Vanda Naranın şikayətindən sonra polis tərəfindən saxlanılıb.
Sfera.az xəbər verir ki, Vanda Nara Mauro İkardinin onu təhdid etməsi ilə bağlı polisə şikayət etdikdən sonra, ulduz futbolçu saxlanılıb.
Vanda Naranın vəkili yayılan xəbərlərin doğru olduğunu bildirib və İkardinin polis tərəfindən saxlanıldığını təsdiqləyib.
Qeyd edək ki, Mauro İkardi Vanda Naranı övladlarını geri almaq üçün məhkəməyə verib. Daha sonra övladlarını geri verməsi üçün onu təhdid etdiyinə görə polis tərəfindən saxlanılıb.
***
"Qalatasaray" klubu argentinalı futbolçu Mauro İkardi barədə yayılan xəbərlə bağlı açıqlama yayıb.
Sfera.az xəbər verir ki, sarı-qırmızılı klubun rəsmi sosial media hesabından edilən açıqlamada bu ifadələr yer alıb: "Peşəkar futbolçumuz Mauro İkardi ilə bağlı deyilənlər həqiqəti əks etdirmir. Oyunçumuz Argentinadakı evində dincəlir. İdmançımızı mənən əzmək məqsədi daşıyan bu xəbərlərə diqqət yetirməməyinizi xahiş edirik".
