GYCC Bakıda keçirilən COP29-un Mavi Zonasında pavilyonla təmsil olunub - FOTOLAR

Cənubi Koreya Respublikası Bakıda keçirilən COP29-un Mavi Zonasında pavilyonla təmsil olunub.
 

Sfera.az xəbər verir ki, gənclərin rəhbərlik etdiyi Cənubi Koreyanın Qlobal Gənclər İqlim Problemləri (GYCC) qeyri-hökumət təşkilatı “Yaşıl Texnologiya və İqlim Maliyyəsi” mövzusunda sessiya keçirib. 

Tədbirdə Koreya Respublikası Prezidentinin Xüsusi Elçisi cənab Ço Honq Sik açılış nitqi ilə çıxış edib.

Məlumat üçün bildirək ki, GYCC BMT-nin 8-ci Baş Katibi Pan Gi Mun tərəfindən irəli sürülən təşəbbüsdür. Təşkilat sayəsində 2020-ci ildən 2023-cü ilə qədər hər il 25+ ölkədən 60+ gənc iqlimlə bağlı fəaliyyət layihələri, siyasət təklifləri və gənclər bəyannaməsi yaratmaq üçün toplaşıb.

Rəhbər Komitəsinin Beynəlxalq Sədri Laeeun Park və Rəhbər Komitənin Sədri Dain Kim 2022-ci ildən başlayaraq GYCC-ni Cənubi Koreyada rəsmi QHT kimi qeydiyyatdan keçirərək birgə təşkil ediblər. 

GYCC-ni Koreya Respublikasından Jaehyeok Park (BMT Tələbə Assosiasiyasının prezidenti), Azərbaycandan Şirinnaz Əmirova (Avropa İqlim Nəsli təmsilçisi), ABŞ-dən Angela Zhong (ABŞ-nin GYCC rəhbəri və Harvard tələbəsi) və P4G (Yaşıl İnkişaf Və Qlobal Məqsədlər Üçün Tərəfdaşlıq 2030) ölkələrindən İndoneziyadan Maria Advenita Gita Elmada və Vyetnamdan Khong Tuan Anh təmsil edir. Onlar Qlobal Cənub üçün ədalətli və davamlı keçidi təşviq etmək naminə yaşıl texnologiya üçün Yeni Kollektiv Kəmiyyətli Məqsədin (NCQG) maliyyələşdirməsinin ikiqat artırılmasını tələb edirlər.

Firuzə Əliyeva