Məşhur aktyor VƏFAT ETDİ - FOTO
Cənubi Koreyalı aktyor Sonq Ce Lim 39 yaşında vəfat edib.
Sfera.az bildirir ki, məşhurun intihar etdiyi düşünülür. Belə ki, “Moon Embracing the Sun”, “La Rose De Versailles” kimi seriallarla tanınan Son Ce Lim Seuldakı evində ölü tapılıb.
Polis onun meyitinin həmin gün onunla nahar etməyi planlaşdıran dostu tərəfindən mənzilində tapıldığını üzərində heç bir zorakılığın olmadığını bildirib. Aktyorun vida məktubu tapılıb.
Ailəsi tibbi ekspertiza istəməsə də, hadisə ilə bağlı araşdırmalara başlanılıb. Digər tərəfdən, sözügedən intihar məsələsi Cənubi Koreyanın əyləncə sektorunda psixi sağlamlıq və təzyiqlərlə bağlı davam edən narahatlıqları gündəmə gətirib. Qeyd olunub ki, Koreyada əyləncə sənayesinin rəqabətli olması səbəbindən indiyədək bir çox məşhur ulduz intihar edib.
Türkan
