Baş naziri İşiba parlament iclası zamanı yuxuya gedib - FOTO

Yaponiyanın Baş naziri Şiqeru İşiba onun yenidən hökumət başçısı seçilməsi məsələsini həll edən ölkə parlamentinin aşağı palatasının iclası zamanı yuxuya gedib.

Sfera.az xəbər verir ki, bu barədə Nikkei yazıb.

“Görünür, İşiba Nümayəndələr Palatasının 11 noyabr plenar iclasında baş nazir seçilməsi zamanı yuxuya gedib. İlk səsvermədə o, qollarını çarpazlayıb, gözlərini yumub və aşağı baxıb”, - materialda deyilib.

Məqalədə Yaponiya Nazirlər Kabinetinin baş katibi Yoşimasa Hayaşinin sözlərinə istinad edilir. Onun fikrincə, baş nazir görüşdən əvvəl soyuqdəymə dərmanı qəbul etdiyi üçün yuxuya gedə bilərdi.

O, İşibanın səhhətində ciddi problem olmadığına aydınlıq gətirib. Amma noyabrın 9-da axşam saatlarında hökumət başçısı soyuqdəymə səbəbindən özünü pis hiss edib və təcili tibbi yardım çağırmalı olub.

Oktyabrın 1-də Fumio Kişidanın başçılıq etdiyi Yaponiya Nazirlər Kabineti tam tərkibdə istefa verib. Bundan sonra ölkənin keçmiş müdafiə naziri İşiba yeni hökumət başçısı seçilib.

Daha sonra Yaponiyada parlament buraxılıb, bundan sonra ştatda deputat seçkiləri keçirilib. Bununla bağlı noyabrın 11-də ali qanunvericilik orqanının aşağı palatasında növbəti iclas keçirilib və orada baş nazirin təyin edilməsi məsələsi qərara alınıb. Liberal Demokrat Partiyasının namizədi İşiba 221 səs toplayıb. Onun ən yaxın rəqibi Konstitusiya Demokrat Partiyasının sədri Yoşihiko Noda 160 səs toplayıb.

İnci