Bakı bulvarında görüntülənən nədir? - YENİLƏNİB + VİDEO
Bu gün səhər saatlarında Xəzərin sahilində balinaya bənzər canlının tapılması ilə bağlı iddialar yayılıb.
Sfera.az xəbər verir ki, sosial şəbəkələrdə sürətlə yayılan qeyri-dəqiq məlumatlarda onun kaşalot olması bildirilib.
Amma sözügedən nəhəng növün Xəzərin Bakı sahilində tapılması real görünmür. Bu, sadəcə olaraq COP29-un açılış günündə həyata keçirilən bir layihədir.
Məsələ ilə bağlı hələ ki, rəsmi məlumat verilməsə də, bununla sualtı aləmin problemlərinə, nəsli kəsilməkdə olan balıq növlərinə diqqət çəkildiyini demək mümkündür.
Qeyd edək ki, sözügedən layihə iqlim dəyişikliklərinə diqqət çəkmək üçün “Captain Boomer” əsəridir. Bu maket dünyanın bir çox şəhərlərində zaman-zaman sərgilənir.
***
10:48
Xəzərdə görünən nəhəng heyvanın ilk görüntüsü yayılıb.
Sahilə çıxan nəhəng heyvanı hazırda mütəxəssislər ekspertiza edir. Hələ ki, nəhəng heyvanın hansı növə məxsus olduğu barədə açıqlama verilmir.
Cəsədin iylənməsinin qarşısını almaq məqsədilə dərmanlar vurulur.
Sfera.az news24.az-a istinadən həmin görüntüləri təqdim edir:
