Diqqət çəkməmək üçün arvadı və uşağını da... - Terrorçu haqda ŞOK FAKT
11:43 / 03.01.2017
2792
"Reina"da dinc insanları qana bulayan terrorçuyla bağlı yeni detallar istintaqa məlum olub.
İstanbulun Ortaköyündə terror törədənin şəxsiyyəti təyin olunub. Uyğur türkü olduğu iddia edilən terrorçunun 2016-cı ilin noyabr ayında ailəsiylə birlikdə Konyaya gəldiyi öyrənilib.
Onun diqqət çəkməmək üçün həyat yoldaşı və 2 uşağını da yanında gətirdiyi qeyd edilir.
Habertürk-ün məlumatına görə, şəxsiyyəti hələlik açıqlanmayan terrorçunun ailəsi nəzarətə alınıb.
İstanbul polisi terrorçunu hər yerdə axtararkən hücum əsnasında neçə güllə darağı dəyişdirdiyi ortaya çıxıb. Terror zamanı sağ qalan barmen: "Terrorçu gülləsi bitən zaman "maqazin" dəyişdirmə əsnasında kluba bir şey atır, atdığı bu cisim ətrafı işıqlandırırdı. Ən azı 3 dəfə bundan atdı", - deyib. Barmenin ifadəsinə görə, terrorçunun "maqazin" dəyişdirmə zamanı istifadə etdiyi hərbi vəsaitin məqsədi kütləni çaşdırmaq, kəskin işığın arxasında qalaraq hədəfi daha yaxşı görməyi təmin etməkdi. Bu hərbi vəsaitin xüsusi əməliyyatlar zamanı istifadə edildiyi qeyd edilir. /Milli.Az/