Azərbaycan Kuboku: 1/8 finala vəsiqə qazanan daha bir komanda bəlli oldu

Futbol üzrə Azərbaycan Kubokunda 1/8 final mərhələsinə vəsiqə qazanan daha bir kollektiv bəlli olub.

Sfera.az xəbər verir ki, "İmişli" bu raundda iştirak hüququ əldə edib.

Komanda II təsnifat mərhələsində "Cəbrayıl"ı 5:1 hesabı ilə üstələyib. I Liqa təmsilçisi 1/8 finalda "Kəpəz"lə üz-üzə gələcək.

Hazırda "Qəbələ" - "Sportinq Baku" matçı davam edir.

Qeyd edək ki, raundun əvvəlki oyunlarında "Turan Tovuz" "Hypers Guba"nı (7:2), MOİK "Şimal"ı (3:1), "Araz-Naxçıvan" "Şahdağ Qusar"ı (4:0), "Kəpəz" "Ağdaş"ı (6:0), "Səbail" "Dinamo"nu (6:0), "Qaradağ Lökbatan" "Karvan"ı (3:0), "Mingəçevir" "Zaqatala"nı (1:0), "Difai" "Şəfa"nı (3:2), "Şamaxı" isə "Şəmkir"i (6:1) məğlub edib. 1/8 final qarşılaşmaları dekabrın 3-4-də keçiriləcək.