Azərbaycan millisi bu gün Bakıda Portuqaliya ilə qarşılaşacaq
Azərbaycanın qadın futbolçulardan ibarət millisi Avropa çempionatının pley-off mərhələsində bu gün Bakıda Portuqaliya ilə qarşılaşacaq.
Sfera.az-ın məlumatına görə, Siyasət Əsgərovun baş məşqçisi olduğu yığma rəqibini “Liv Bona Dea Arena”da sınağa çəkəcək.
Qarşılaşmanı Almaniyadan olan hakimlər briqadası idarə edəcək.
Avropa çempionatı
Pley-off mərhələsi, ilk oyun
25 oktyabr
16:00. Azərbaycan – Portuqaliya
Hakimlər: Fabyenn Mişel, Melissa Cus (Almaniya), Amina Sara Quçi (Avstraliya), Karolin Uoker (Almaniya).
"Liv Bona Dea Arena".
Qeyd edək ki, komandalar arasında cavab görüşü oktyabrın 29-da Portuqaliyada baş tutacaq. Azərbaycan - Portuqaliya cütünün qalibi ikinci pley-off mərhələsində Belarus - Çexiya oyununda üstün olan tərəflə üz-üzə gələcək. Bu raundun matçları noyabrın 27-də və dekabrın 3-də baş tutacaq. Azərbaycan - Portuqaliya cütünün qalibi ilk görüşünü evdə keçirəcək.
