ABŞ dövlət katibi Con Kerrinin bəyanatı İsraildə sərt reaksiyalara səbəb olub.

Ölkə.Az xəbər verir ki, ABŞ-ın xarici işlər naziri bildirib ki, İsrail və Fələstin arasında münaqişə Fələstinin də dövlət kimi tanınması ilə həll edilə bilər. Nazirin bu bəyanatı İsraildə sərt reaksiyalara səbəb olub. Rəsmi Vaşinqtonun bu bəyanatı İsrailin baş naziri tərəfindən qınanılıb. Netanyahu Kerrini günahlandırıb.

BMT-nin yəhudi yaşayış məntəqələri barədə qərarına ABŞ-ın İsrail lehinə səs verməməsi Vaşinqton və Tel-Əviv arasında gərginliyə səbəb olmuşdu. Kerrinin bu bəyanatı isə İsraili bərk əsəbləşdirib.

Netanyahunun fikrinə görə, Kerrinin açıqlaması mənasız və natarazdır. Baş nazir Kerrini qərəzli adlandırıb.

Kerri isə bəyanatında deyib: "İki dövlətli həll məsələsi yəhudi və fələstinlilər arasında ədalətli və uzunmüddətli sülhü əldə etməyin tək yoludur. İsrail yəhudi dövləti və demokratik dövlətin gələcəyini təmin etmək üçün bu yola baş vurmalıdır. Amma bu gələcək indidən təhlükə altındadır. Dostlar bir-birlərinə acı həqiqəti söyləməlidirlər və dostluq qarşılıqlı hörmətə bağlıdır".

Fələstin lideri Mahmud Abbas isə Kerrinin açıqlamasından sonra sülh müzakirələrinə hazır olduğunu bildirib: "İsrail tərəfindən Şərqi Qüdsdə aparılan  inşaat işləri dayandırıldıqdan və qarşılıqlı imzalanan anlaşmaların qüvvəyə minməsindən sonra sülh müzakirələrinə yenidən başlamağa hazırıq".